Keifang-ah Cocoa tiak sem

Rural Development Department Minister leh Tawi Bialtu MLA Prof. Lalnilawma chuan nimin khan a Bial chhung Keifang khuaa loneitute hnenah Cocoa tiak a sem a, Keifang-ah hian Cocoa chingtu chhungkaw 16 awm mekin Bialtu MLA hian MLA Fund atangin Cocoa tiak hi a lei a, Zo-Troy Agri-Horti Farmer Producer Company Limited leh Kangmual Farmers Association tangkawp buatsaiha semin Keifang chu Cocoa chinna atan hmun tha a ni thei dawn em tih enchhinna atan Pilot Project-a kalpui a ni ang. He hunah hian Minister Prof. Lalnilawma chuan sawrkar chuan mitin 'Fairel bel thleng phak' nih tumin theihtawp a chhuah thu a sawi a, 'A sawi chauh ni lo, a tiha tih' a tum zel avangin a sawi tawh chu bawhzui zel a tum thu a sawi bawk.