Kawthalo hri leng vil mek

Mizoram chhimlam Lawngtlai District-a Darnamtlang-ah Kawthalo a leng nia hriat niin hemi chungchangah hian nimin khan Bawrhsap Donny Lalruatsanga hovin Health Department hotute nen thutkhawm neih a ni a. He hunah hian Darnamtlang hi sawrkar in a vil reng thu leh mipuite tana hriat tur pawimawh hrang hrang te sawiho a ni. Darnamtlang-ah hian Kawthalo leh luak vangin June 2 khan kum 53 mi Zeria chu a thi a, hemi hnu hian mipui an mangang zual deuh nia hriat a ni. Darnamtlang hi In 115 awmna niin mihring 540 vel an cheng a, Bungtlang South PHC hnuaia awm niin Medical Officer kaihhruaina hnuaiah Medical Team ten ngun takin an vil mek a ni.