IPRP&S Minister-in Aizawl-ah emPOWERu a hawng

I&PR Minister B. Lalchhanzova chuan nimin khan Aizawl Kuli-kawn-ah emPOWERu, Training and Development Institute hawnna a hmanpui.

Nimin-a hawn tak emPOWERu Training Course hian Communication Skills, Leadership Skills, Influencing, Personal Skills, Interpersonal Skills, Creativity, Professional Skills leh a dang tangkai tak tak a huam dawn a. Zirlaite dinhmun hrechiang hmasa in an mamawh ang zawnga inzirtir chu an tum lian tak a ni a. I&PR Minister chuan Mizo ten mahni invawnna kawngah leh mahni intundinna kawnga hmasawnna tur kawng kawhhmuhtu an awm chu lawmawm a tih thu sawiin, hetiang lam Mizo ten kan hawi chho zel hi tha a tih thu a sawi a. Sawrkar hna pawh a that rualin mahni a intundin tumna lam kan hawi zel hi a lawmawm a, hetiang kawnga kaihruaitu leh zirtirtu an awm ta chu lawmawm a tih thu a sawi bawk.

Nimin-a emPOWERu hawnna inkhawm hi an Founder Director Golda Dell Zohmangaihi chuan kaihruaiin he Institute hian a tum ber chu Mizo mipui ten kan eizawnna kawnga hmasawnna tur, min lo dawrtute kan lo dawnsawn dan tha zawk te, kan hnuaia hnathawk te kan chhawr dan tha zawk te, kawng hrang hranga hlawhtlinna leh changkanna kawng kan zawh theihna tura inzirtir te4 a nih thu a sawi a ni.