Horticulture fair-ah hralh tha

Kar kalta Nilaini atanga Aizawl Lammual a neih Horticulture Fair vawi 13-na chu Inrinni khan zawhfel a ni ta a, Horticulture Department hotute chuan an Fair buatsaih chu mipui ten an hlut thu leh tlawhtu pawh an tam thu sawiin, cheng nuai 99 chuang man an inhralh thu an sawi. Horticulture Department hotute chuan Fair hawn ni, Nilaini khan Rs. 14,64,730 man an hralh thu leh a ni hnihna, Ningani khan an inhralhna hi Rs. 20,38,010 a tling leh tih an sawi a. A ni thumna ah khan Rs. 25,24,840 man bakah Inrinni khan Rs. 38,20,606 man hralh lehin, a vaia belhkhawmin Rs. 99,09,326 man an hralh a nih thu an sawi a ni.