Darzo tuihna tipung dawn

Zonuna Kawlni (LENKAWL) • June 25, 2026 • Comments • Mizoram

Bharat Forge leh Confederation of Indian Industries (CII) ten Corporate Social Responsibility (CSR) Fund atanga Darzo khuaa tuihna tihpunna tur project an thawh tur chu nimin khan Adviser to CM TBC. Lalvenchhunga chuan a Office-ah a hawng a, he CSR Project hmang hian Darzo khaw ram hectare 1.93-a zau-ah ruahtui tlinna tur khur (trenches) 1000 laih tur a ni a, hna hi Young Indian Mizoram ten an thawk ang. Young Indian te hi CII hnuaia thalai pawl an ni a. He project hi India rama Young Indian ten hetiang lam chi CSR Project an thawh hmasak ber tur a ni. He hunah hian Project kalpui tura inremna (Memorandum of Understanding) chu Bharat Forge, CII leh Darzo VC ten an inhlan nghal a ni.