CADC-ah BJP leh ZPM ten sawrkar siam an tum

Chakma Autonomous District Council (CA-DC)-ah BJP leh ZPM te chuan sawrkar siam turin thawhdunna an siam a, CADC CEM hlui Durjya Dhan Chakma leh CADC District BJP President kaihhruaiin Chakma Democratic Alliance Legislature Party chu nimin khan din a ni. He Legislature Party-ah hian Leader atan BJP atanga MDC Nirupam Chakma bakah Deputy Leader-ah Kali Kumar Tongchangya (ZPM), Treasurer-ah Molin Kumar Chakma (BJP) leh Secretary-ah Supreme Raj Chakma (ZPM) te an awm a, Legislature Party hian Kamalanagar Constituency atanga MDC ni mek Nirupam Chakma chu sawrkar siam turin thuneihna an pe a, nimin khan Governor hnenah sawrkar a siam theih thu hi a thlen nghal a ni.

Tun dinhmunah CADC-ah hian BJP in MDC 10 a nei a, ZPM hian MDC 9 neiin Chakma Democratic Alliance-ah hian MDC 19 an awm a, Opposition lamah hian MDC pakhat Rasik Mohan Chakma a awm thung a ni.