AMMSAF General Assembly

Zonuna Kawlni (LENKAWL) • June 26, 2026 • Comments • Mizoram

All Mizoram MGNREGA Staff Federation chuan nimin khan Aizawl-a Vanapa Hall-ah General Assembly Vawi 4-na hmangin Rural Development & Administration Department Minister Prof. Lalnilawma chuan a hmanpui a, Minister chuan VB-G RAM G chu July thla atanga hman tan tur a nih avangin Mizoram puma MGNREGA Staff te chu inpekna thar nen thahnemngai taka thawk turin a fuih a. VB-G RAM G in a tum angin kum 2047-ah India ram chu kawng engkimah ram hmasawn a nih theihna turin thingtlang khua ah pawh tun atanga kum 20 hnuah chuan hmasawnna tluantling a awm theihna turin an theihna zawn theuhah hma la tlang zel turin kalkhawm te a sawm a ni. AMMSAF hian Sub-Hqrs. 11 neiin member 900 dawn an awm a, General Assembly-ah hian mi 600 chuang kalin Chawhnu lamah Rorel Inkhawm leh Hruaitu thar thlanna an nei nghal bawk.