Aizawl West-II ah Uniform pheikhawk sem leh a ni

Aizawl West-II Bialtu MLA leh Sports & Youth Services Department changtu Minister Lalnghinglova Hmar chuan nimin khan a Bial chhunga sawrkar Primary School-ah Zirlaite tan School Uniform pheikhawk a sem chhunzawm a, nimin khan Govt. Primary School, Kanan; Chhinlung Academy, Vaivakawn; Govt. Primary School, Dawrpui Vengthar; Govt. Tuikual Primary School I, Tuikual North leh Govt. Tuikual Primary School III, Tuikual South-ah te sem a ni a. Hemi puala hun hman ah, “Mizorama Zirtirtu tha berte awmna chu sawrkar School a ni a, Trained Teacher vek an awm a, zirna tha kan nei a ni,” tiin Sawrkar School-a luh nachang kan hriat zel a pawimawh thu a sawi a. “Sawrkar School-te hi a zirna leh thildangte tihhmasawn a tihchangtlun zel kan tum dawn a ni,” a ti bawk. Aizawl West-II Bial chhunga School pariat-ah Uniform pheikhawk bun 683 sem tur niin karlehah School pakhatah sem leh a ni ang.