ZPM in lawmpuina leh lawmthu sawina hun hmang
ZPM in Rajya Sabha MP thar lawmpuina leh lawmthu sawina hun an buatsaih hi an party Vice President VL. Zaithanzama MLA chuan kaihruaiin Rajya Sabha MP thar K. Laltluangkima chuan, “Pathian rorel danah a hmasaberin lawmthu ka sawi a, kan party hruaitu leh member zawng zawngte duhsakna avangin ka lawmna a sang hle a ni,” a ti a. Tun tum Rajya Sabha MP inthlan chu a hahthlak hle tih sawiin, “Nasa taka chhaih buai kan ni a, Rajya Sabha MP thlan hmasak khan ZPM pawh Opposition kan ni a, khatih laia rorellai Candidate kha chhaih buai lovin tluang takin inthlanna neih a nih kha. Amaherawh chu kan thil tum hi a khirh poh leh a hlawhtlinna hi a thlum ve thung a ni. Ka awm zel dan tur hi tun dinhmunah chuan la hriat theih a ni lova, Pu K. Vanlalvena MP ni mek term hi July 18-ah a tawp dawn a, Pu Vena term a tawp chuan Monsoon Session-in a chhunzawm anga, chumi hunah chuan Mizoram aiawh turin Delhi lamah kan chhuk ve tawhin ka ring,” a ti bawk.
He hunah hian Minister pahnih Vanlalhlana leh PC. Vanlalruata te, Lok Sabha MP Richard Vanlalhmangaiha leh Planning Board Vice Chairman Dr. Kenneth Chawngliana ten lawmpuina thu an sawi a, ZPM General Headquarters, ZPM Zonu, ZPM Upa pawl leh ZPM Thalai atangin lawmpuina thil pek hlan a ni bawk.