Union Minister hovin Aizawl ah Regional Review Meeting nei

India hmarchhak State hrang hrang pariat te chuan nimin khan Union Minister of Fisheries, Animal Husbandry and Dairying Rajiv Ranjan Singh-a hovin Regional Review Meeting an nei.

High Court Hall, MINECO-a Regional Review Meeting-ah hian  Union Minister chuan sawrkar laipui chuan hmarchhak state-te mawina leh nihphung hrang hrangte phochhuah a duh thu sawiin, Mizo-ram mawina inthup mawi tak mai a hmu chhuak chu nuam a tih thu a sawi a. Union Minister of State for Fisheries, Animal Husbandry and Dairying George Kurian pawhin Fisheries, Animal Husbandry and Dairying Ministry chu hmarchhak mipuiten an eikhawp an hmuh theihna (Livelihood) atan te, Hmeichhiate dawmkanna (Women Empowerment) atan te leh Entrepreneurship atan te a thawktu a nih thu a sawi bawk.

He hunah hian Hmarchhak State tin atangin Fisheries, Animal Husbandry and Dairying changtu Minister-ten an State theuha an dinhmun te, an mutan te leh an hmachhawp te an sawi bakah Hmar-chhak Bial anga harsatna an tawhte an sawi bawk a. Thalaite thuamchak (Youth Training) te, Cold ChSin storage neih te, Khawl thluaknei hman tangkai lehzual (Digital Deployment) te, Rotling thil siam (Infrastructure Development) te, a hun taka pawisa pekchhuah (Timely Fund Release) te chu pawimawh an tih thu an sawi a ni.

He hunah hian GAD Mizoram-a Principal Secretary leh Chief Secretary (i/c) Sudhir Kumar chuan kalkhawmte lawmna thu sawiin, Fisheries Joint Secretary Sagar Mehra chuan 'NER Vision 2030' tarlangin Dept. of Fisheries hnuaia Scheme-te leh Program hrang hrangte a sawifiah a. NDDB Chairman Meenesh Shah-a’n North East Region-a Dairy Development lama hmachhawp awma sawifiah bakah Animal Husbandry and Dairying Additional Secretary Varsha Joshi-i’n Animal Husbandry huamchhunga hmalakna awm mek te leh hmachhawp awm te a sawi bawk.