Thla thum chhungin TB vanga thi 44 an awm

Zonuna Kawlni /

Mizoram-ah kumin kumtir lam thla thum (January atanga March 2026) inkar chhung khan natna chi khat Ngawr (Tuberculosis) vangin mitthi 44 an awm.

Health Department chhin-chhiah danin kumin kum bul lam thla thum (3) chhung khan TB vei nia rinhleh test 8570 awmin TB hmuhchhuah zat chu 535 an ni a, heng zinga 490 hi vei thar (new case) an ni a, kumin a TB vei hmuhchhuahte hi mipa 303 leh hmeichhia 232 an ni. Kumin a TB vei hmuhchhuah zingah hian TB leh HIV veikawp 53 an awm a, TB vei enkawl dam zat hi 86% a ni. Nikum 2025 chhung khan Mizoram-a TB vei hmuhchhuah zawng zawng chu mi 2275 niin MDR-TB hmuhchhuah 146, TB leh HIV vei kawp hmuhchhuah 267 awmin TB vanga thi 145 an awm a, TB tihdam zat chu 84% a ni.

TB awmlohna khua ni tura inelna thiang-hlim, TB Free Village tih kalpui mek a ni bawk a. Kum 2025 chhung khan Mizoram-ah TB awm lohna khuaa puan thei khaw 150 lai an awm a. Heng zingah hian khaw 74-te chu kum khat TB Free Village ni thei an ni a, khaw 58-te chu kum hnih a zawna TB Free Village ni thei an ni a, khaw 18-te chu kum thum chhung TB Free Village ni thei an ni bawk. 

Global TB Report 2025-in a tarlan dan chuan kum 2024 khan khawvel pumah mi maktaduai 10.7 (vaibelchhe khat) chuang TB vei an awm a, TB vang hian mi maktaduai 1.23 vel an thi a. India TB report 2024-in a tarlan dan chuan India ramah kum 2023-ah mi nuai khat zelah mi 199-in TB natna an vei a, mi nuai khat zelah mi 23 TB vangin an thi a ni. Tunah hian India ram chuan TB natna umbo tumin kawng chi hrang hrangin hma a la mek a, TB kai hmuhchhuah chu hmalakna lian ber te zinga mi niin Mizoram hmun hrang hrangah pawh hei hi kalpui a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »