SIR chungchang ah Election Official te tan Training buatsaih a ni

Mizoram-a Special Intensive Revision (SIR) of Electoral Rolls neih tur atan nimin khan Aizawl SP Conference Hall-ah Mizoram puma Election Officer (EO), Electoral Registration Officer (ERO), Assistant Electoral Registration Officer (AERO) leh District Level Master Trainer te tan ni khat awh Training neih a ni.

He Training hi Mizoram Chief Electoral Officer (CEO) Dr. Lalrozama IAS chuan hmanpuiin India ram pumpuiah a tahtawlin Special Intensive Revision (SIR) of Electoral Rolls neih mek niin a thawh thumna ah Mizoram-ah pawh kalpui tan a lo ni ta tih a sawi a, “SIR-ah hian mipui leh ECI beiseina tihlawhtling turin tan kan lak a ngai,” tiin  CEO chuan he huna tel te chu Electoral Roll an khawih dawn avangin fimkhur hle a tul thu a sawi a. Mizoram khua leh tui dik tak ten vote an neih theihna turin tihsual leh hmaih nei hauh lova uluk leh fimkhur taka hna thawk turin a fuih a. Block Level Officer te chu an kutke ber tur an nih avangin hmang thiam tura chahin, langtlang leh rintlak E-Roll buatsaih tura Political Party te pawimawhzia a sawi a, Political Party te ruat Block Level Agent te pawh tangkai taka hmang turin CEO chuan a chah a ni.

He Training hi Jt. CEO Ethel Rothangpuii chuan kaihruaiin Mamit Election Officer Lalnunfela Chawngthu, RD Deputy Director Lalthakima, Khawzawl Election Officer Timothy R. Lalhmangaiha leh Assistant Commisioner/ACEO F. Lalnisai ten zirtirna an pe a ni.