New Delhi-a zin Chief Minister a rawn haw leh tawh

Zonuna Kawlni /

Chief Minister Lalduhoma chuan zan hnih riaka New Delhi-a a zin hnuah nimin khan rawn hawin Chief Minister's Office-a Officer ten Commissioner & Secretary to CM Vanlaldina Fanai hovin a Bangla-ah an lo hmuak a ni.

Chief Minister hian New Delhi-ah hian Parliamentary Affairs leh Minority Affairs changtu Minister Kiren Rijiju kawmin PMJVK hnuaia Mizoram sawrkar projects ngaihpawimawh 23 te a thehlut a, Union Minister hian a vaiin a lo pawm a. NITI Aayog Member kalchhuak tur Dr. VK. Paul pawh kawmin Mizoram tana thahnemngai taka hma a lak thin avanga lawmthu hrilhin, Ginger Capital of India-a Mizoram an puan avanga Mizoram Sawhthingin ram pum huap hriat a hlawh chhoh mek thu a hrilh a. Mizoram sawrkar leh NITI Aayog tangdunin Tourism Conclave an buatsaih tur chungchang leh Mizoram tana thil pawimawh dangte a sawipui a. He hunah hian Tourism Minister Lalnghinglova Hmar pawh telin NITI Aayog leh Mizoram sawrkarin Tourism Conclave an buatsaih dun tur chungchanga hmalakna hi an thlir a. May thla chawhnu lamah Delhi-ah Pre-Conclave Meeting neih an rel a. NITI Aayog lam hian Mizoram Tourism Policy changtlung zawk duan dan tur te, Mizoram puala Institute of Hotel Management-Ashok (IHM-A) hnuaia a thlawna training neih theih dante leh Investor koh luh chungchangte Chief Minister leh Tourism Minister hi an sawipui bawk.

Nizan hmasa khan Union Minister of Road Transport & Highways Nitin Gadkari pawh kawmin Mizoram-a National Highways leh Lei (Bridges) pawimawhte tihhmasawnna tur chi hrang hrang a sawipui a. A thil thlen zawng zawng hi MoRTH hian a lo pawmsak deuh vek a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »