Lunglei DC hovin Project BLOOM hmalakna thlirho a ni

Zonuna Kawlni /

Lunglei District chhung Lungsen Aspirational Block huamchhunga nu leh naupang hriselna atana hmalakna, Project BLOOM (Better Living through Outreach, Optimal Maternal & Child Health)-a hmalakna chu nimin khan Lunglei-ah Bawrhsap Navneet Mann hovin thlirho a ni.

Project BLOOM hnuaia hmalakna ah hian Lungsen Aspirational Block hi Health & Wellness Centre (HWC) pasarih behchhanin Bial (Cluster) 7-ah then a ni a. He'ng Cluster-te tan hian 3A Report Card siam niin, Cluster inelna kalpui a ni a. He inelna hian hriselna leh chawtha (health leh nutrition) lam a thlur ber a, tehfung (indicator) hrang hrang hmanga teh niin thla thum bi (quarter-wise) zelin result leh lawmman pek an ni a. Nimin-a he hmalakna thlirhona ah hian 4th Quarter result puan nghal niin lawmman sem nghal a ni a. Damdawi In (Health Centre) te zingah Putlungasih HWC chu pakhatna niin Lungrang South HWC leh Rualalung HWC ten an dawt a. Anganwadi Centre zingah Tuisenchhuah Cluster chu pakhatna niin Lungsen Cluster leh Phai-ruangkai Cluster ten an dawt a ni.

Lungsen Block chhungah hian Health & Wellness Centre 7 leh Anganwadi Centre 44 a awm a. Project BLOOM-ah hian a hmatawng a thawktu (frontline worker)-ah Health & Wellness Officer leh Health Worker-te, Anganwadi Worker te leh ASHA-te hman an ni a. Heng an hmalakna avang leh Project BLOOM-in a ken tel hmalakna hrang hrang kaltlangin Lungsen Aspirational Block chuan nu nau paite tana hamthatna leh naupang kum 6 hnuailam te hriselna atana hmalakna ah nasa takin hma an sawn tih tarlan a ni.

Nimin-a thutkhawm ah hian Lunglei SDC Lalnunchhani Hnamte chuan inlawmna thu sawiin, lawmmante hi District Bawrhsap Navneet Mann chuan a hlan a. Bawrhsap chuan thawktute chu an hm lakna ah fakin, Project hlawhtlin nan theihtawp chhuah chhunzawm zel turin a chah a. Rawtna hrang hrang te sawiho a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »