Land pass pek enfiah tum

Zonuna Kawlni /

Nimin khan Lawngtlai-ah District Bawrhsap Donny Lalruatsanga hovin Special Investigation Team chu an thukhawm a, he hunah hian Bawrhsap chuan LADC leh CADC huamchhunga Riverine Reserved Forest leh Reserved Forest Areas-te venhim leh enkawl chu thil pawimawh tak a ni tih sawiin, hemi kawngah hian theihtawp chhuah a tul thu a sawi a. Reserved Forest Areas leh Riverine Reserved Forest huamchhung ah 'Land pass' pek a awm em tih zawnchhuah chu thil tul tak a nih thu sawiin, LADC leh CADC-a Sr. Revenue Officer te chu lo enfiah turin a chah nghal bawk. He hunah hian Reserved Forest Areas bikah chuan 'Land Pass' pekchhuah a awm lo tih report niin Riverine Reserved Forest huamchhunga 'Land Pass' awm leh awm loh chu a hmunah kal a zirchian nise an ti bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Hmeithai thla la tur Scooter atanga tlain a boral

Zonuna Kawlni /
Image
New Serchhip Kikawn, Agriculture Complex panna kawng-a mahni a khawsa Pi Lalnuntluangi @ Pi Tluangi (70) W/o Raldokunga (L) chu Vawiin (May 18, 2026) khan Scooter atanga tlain a boral a, a ruang hi Aizawl Tlangnuam-a a fanu ten an la dawn a ni. Thudawn danin Pi Tluangi hi hmeithai, mahni a khawsa niin ‘ni 100 inhlawhna’ (MGNREGS) hnuaia inhlawhna ah Vawiin tlai khan thla la tura kalin an Veng-a pa pakhat in Scooter-ah a phur a, Govt. Serchhip College bulah Scooter atang hian tlain a boral zui ta a ni. Scooter atanga a tlak hun hi dar 2:00 vel niin dar 4:00 velah a boral a ni.
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »