Hlimen Football khelmual (Playground) thar hawng

Aizawl Smart City Limited hnuaia cheng vbc. 10.65 senga siam ‘Hlimen Football khelmual’ (Playground) chu nimin khan UD&PA Minister K. Sapdanga chuan a hawng.

Khelmual thar hawnna hunah hian UD&PA Minister chuan India ramah Mizote chu Football khel thiama hriat kan nih thu leh ISL leh I-League ah te pawh player chhuanawm tak tak kan nei chu tha a tih thu a sawi a, he kan hmingthatna hi chhawmnun a nih zel theihna turin khelmual hawn thar pawh hian kawng ro tam tak a sut kuak ngei a beisei thu sawiin, Field thar chu thalai tam tak Football lam-a mi chhuanawm chherchhuaktu leh hriselna leh mahni invawnna kawng ah malsawma thlen theitu a nih ngei a beisei thu a sawi bawk.

He hunah hian Aizawl Smart City Limited-a Chief Executive Officer, CC. Lalchhuangkima chuan Report pein Khelmual sak thar hi Lalhming Infrastructure and Construction Pvt Ltd. te sak niin, cheng vbc. 10.65 senga sak zawh a ni a, April 25, 2022 atanga bul ttan niin, February 28, 2026-a sak zawh a ni a, khelmual hi a dung meter 100 leh a vang meter 50 niin mi 696 tan thutna a awm bawk. Khelmual hmang duh tan darkar khatah Rs. 1200 in hman theih a ni a, ni khat-ah Rs. 7000 niin, zan lama hmang duh te tan darkar khatah Rs. 2500 chawi in a hman theih bawk a. Hlimen Local Council hruaitu te hnenah neitu nihna leh a enkawltu nihna a hlan nghal bawk a ni.