Ginger USP Cultivation & Value Chain Development Project hawng

Zonuna Kawlni /

Ministry of DoNER hnuaia cheng vbc. 189. 78 senga kalpui tur Mizoram Ginger Unique Selling Proposition (USP) – Sustainable Cultivation & Value Chain Development Project chu nimin khan Chief Minister Lalduhoma leh DoNER Minister Jyotiraditya Scindia ten online-in an hawng.

He hmalakna hawnna hunah hian Chief Minister Lalduhoma chuan Mizoram sawhthing chu Unique Selling Proposition atan Ministry of DoNER in a pawm thu leh USP a nih tak avangin cheng vbc. 189. 78 senga kalpui turin he project hi min rawn phalsak thu a sawi a. Sustainable Cultivation atan te, Quality Control & Food Safety atan te, Farm Mechanization & Solarisation atan te leh Post Harvest Management & Processing atan te hman a nih tur thu a sawi a. “Component dangte hi Ministry dang scheme te nena thawkho (convergence) a hmalak tur a ni a. Post Harvest Management & Processing bik hi NEC (FDC) atangin Gap Funding min pe dawn a ni,” a ti a. DoNER Minister Jyotiraditya Scindia pawhin India ram puma loneitute inthlunzawma hnathawh chu Prime Minister hmathlir pawimawh tak a nih thu a sawi bawk a ni.

He Project hi Scheme dangte nena convergence-a kalpui tur niin Sustainable Cultivation leh Farm Mechanization te hi Agriculture Department, Horticulture leh Rural Development Department te nena kalpui tur a ni a; a processing hi NEC Fund (Focused Development Component) atanga sum hmuh cheng vbc. 30.13 hmanga kalpui a ni ang. Ruahman dan chuan Mizoram-a Sawhthing thar tam ber District, Champhai District-a Mualkawi-ah Pilot Project angin a processing Hub bulpui ber (Main Hub) din a ni anga, chumi chawm turin a chhehvelah Unit tenau deuh (Spoke Hub) Tualcheng, Vaphai leh Zotlang-ah dah an ni anga. Main Hub hi investor lian zawkte enkawltir a, a tenau pathumte hi Society enkawltir tura ruahman a ni a. Hna hi kumin chhunga thawh zawh hman a, nakum atanga processing kalpui theih tum a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »