Vawiin atangin India ramah Chhiarpui neih tan a ni dawn
India Chhiarpui 2027 hi India rampum Chhiarpui vawi 16-na a ni dawn a, India ramin zalenna a neih hnu-a a vawi 8-na a ni dawn thung a. Chhiarpui lo awm tur hi thawh hniha kalpui a ni dawn a, Vawiin atang hian Chhiarpui hna thawktute chuan mihring chhinchhiah hna ni lovin, In ding lai leh a chhunga chengte dinhmun leh an bungraw neihte chhinchhiah hna (House listing) an tan ang a. Vawiin vek hian Chhiarpui atana mahni inziahluh leh inthun theihna, Self Enumeration Portal chu hawn a ni anga, Online hmangin mahni inziahluh tan theih a ni ang.
Ruahman lawk ang chuan April ni 15 atanga May ni 14 inkar chhung hian ‘House Listing Block (HLB)’ an tih chu kalpui a ni anga, mahni leh mahni inziahluh piah lama mihring chhiarpui tak tak chu nakum lamah kalpui a ni dawn a ni. Tun tum Chhiarpui hi In tina luha mihring chhiar a ni dawn chungin lehkhapuan hmang lovin, a vawikhatna atan Digital hmang veka kalpui a ni dawn a. Digital a kalpuina-ah hian Mobile apps hman a ni dawn a ni.
India Chhiarpui kalpui hun tur hnuhnung ber, kum 2021 khan Covid-19 hri leng avangin kalpui theih a ni ta lova, tun tum hi kum 2011 hnu a India ram Chhiarpui awm leh hmasa ber tur a ni dawn a ni.
Comments
Post a Comment
I ngaihdan i sawi hian mipui ngaihdan i tarlang a ni!