Tuialhthei dinhmun a tha; LPG-ah mipui thawhpui ngen

Serchhip District Bawrhsap, Paul L. Khuma chuan thuchhuah siamin tun dinhmunah Serchhip District chhungah Gas leh tuialhtheiah harsatna kan la tawk lo tih tarlangin, “Kan neih te hian mipui mamawh min la phuhru zo a, mipuite tan hlauhthawn tur a awm lova, kan dinhmunte uluk taka vil reng a ni a, mipuite chi ai lo turin kan in ngen e,” a ti a. Petrol/Diesel leh Gas black-a hralh hmu leh hria an awm a nih chuan Helpline No. 03838 222432-ah emaw, Mobile No. 9612959363-ah emaw hriattir vat turin a ngen bawk a ni.

Hetihlai hian MIZOFED Serchhip Branch Manager chuan tunhnai khan ngenna leh hriattirna tichhuakin Serchhip mipui ten rualkhai taka Gas an chan theihna tura thawhpui ah mipuite a sawm a. Chutiang tur chuan eirawngbawlna Gas semtu (Delivery boy) te hnenah LPG a man to (black) emaw, DAC tel lo emaw a dil lo turin mipuite a ngen a. Delivery Boys emaw, Agency-a thawktu DAC tel lova Gas pe emaw, Black-a zuar an hmuh chuan MIZOFED Serchhip Branch Manager Ph. No. 9612256134-ah complain vat turin a ngen a, a complain tu hming leh nihna engkim thup sak an nih tur thu pawh a tarlang bawk a ni.