Serchhip Police ten mipuite fimkhur turin an chah

Zonuna Kawlni /

Serchhip Police te chuan tunhnaiah Whatsapp ah ‘RTO-E-Challan.apk’ tih thehdarh a nih thu sawiin, he thil hi inbumna a ni tih avangin mipuite chu fimkhur turin an chah.

Serchhip Police te chuan Regional Transport Office (RTO) hming hmang hian Traffic Dan bawhchhia anga puha Message chu Whatsapp kaltlanga thehdarh a nih thu hi sawiin, he thil hi Malware (Software hlauhawm) a ni tih an sawi a, he file hi download-a install a nih chuan OTP lo thlengin hemi hmang hian Bank Account details rukchhuah theih a nih thu leh Bank Account-a pawisa awm zawng zawng ruk sak theih an nih thu an sawi a ni.

Serchhip Police te chuan hetiang avanga harsatna leh buaina tawk an hnen rawn pan mi engemaw zat an awm tawh thu leh cheng nuai tel sum hloh te pawh awmin a theih ang angin sum hmuhlet dan kawng te pawh an zawnpui thu an sawi a. Hetiang hi thil thleng mek a nih avangin mipuite chu hetiang File hi an lo dawng a nih pawhin hawng lo-a paih zel turin an chah a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »