HSSLC Exam result chhuak ah Serchhip District in a titha

Mizoram Board of School Education (MBSE) in kumin-a Higher Secondary School Leaving Certificate (HSSLC) Exam a buatsaih ah Serchhip District-a zirna In hrang hrang ten an titha thawkhat hle.
MBSE in kumin a HSSLC Exam a buatsaih ah hian Arts Subject-ah Serchhip District atangin Exam 344 awmin 316 in an pass a, za zela 91,86 pass ang niin District hrang hrang zingah a titha ber an ni a. Govt. Higher Secondary School, Ser-chhip atangin zirlai 71 exam-ah 64 pass in za zela 90.14 pass ang an ni a. Brilliant HSS Serchhip atangin zirlai exam 42 ten pass vekin Eklavya Model Residential School, Serchhip atangin zirlai exam 22 te an pass vek bawk. Chhiahtlang HSS atangin zirlai exam 14 zingah 12 pass in za zela 85.71 pass ang an ni bawk.

Serchhip Town pawn lamah St. Peter’s HSS Chhingchhip atangin zirlai exam 35 zinga 34 ten pass in Thenzawl HSS-ah zirlai exam 65 atangin 64 an pass a, Hmingthangi Memorial HSS, East Lungdar atangin zirlai exam 19 awmin 14 an pass a, N. Vanlaiphai HSS-ah zirlai 19 exam zinga 17 pass in Bungtlang HSS-ah zirlai exam 11 te an pass vek a. Chhuanthar HSS-a zirlai exam 16 zingah 11 pass in Baktawng HSS-a zirlai exam 17 zinga 16 an pass a, Khawlailung HSS atanga exam 13 te zingah mi 9 an pass bawk.

Science Stream-ah Serchhip District atangin zirlai 129 exam in 102 an pass a, za zela 79.07 pass ang niin Govt. HSS Serchhip atanga exam 42 zinga 30 an pass a, Eklavya Model Residential School atangin mi 18 exam in 17 an pass a, St. Peter’s HSS Chhingchhip atanga exam 15 zinga 14 pass in Thenzawl-a Senior SS-a zirlai exam 17 zinga 16 an pass a, N. Vanlaiphai Senior SS-ah zirlai 20 exam in 9 an pass a, Chhiahtlang Senior SS atangin zirlai exam 16 zingah 15 an pass bawk.

Commerce-ah Serchhip District atangin zirlai 11 exam in 10 an pass a, an vai hian Brilliant HSS atanga exam te vek niin 90.91% an pass a ni.

GHSS,  SERCHHIP HSSLC Result,  2026 :

Arts :

Appear : 71

Passed    : 64

Distn  : 1

I Div    : 15

II Div  : 26

III Div : 22

Comp : 1

Fail     : 6

Pass % : 90. 1%

Science :

Appear: 42

Pass    : 30

Pass % : 71. 4%

Distn : Nil

I Div  : 13

II Div : 17

III Div : Nil

BRILLIANT HSS SERCHHIP :

Arts : Appeared : 42

           Passed    : 42

Distn  : 2

I Div    : 8

II Div  : 23

III Div : 9

Comp : NIL

Subject Topper - Deborah Lalhluzuali 98marks ( Edu)

Commerce : Appeared : 11

            Passed     : 10

Distn  : NIL

I Div    : 2

II Div  : 4

III Div : 4

Comp : NIL

Fail : 1