Serchhip District Cricket Team ten hnehna chang

Zonuna Kawlni /

Serchhip-a ‘5th Inter-District Cricket Tournament’ khelh mekah nimin khan Serchhip District te chuan hnehna changin Vawiin-ah Kolasib DCA an hmachhawn leh ang.
 ‘5th Inter-District Cricket Tournament’ khelh mekah hian Serchhip District hian an match hmasa berah Saitual DCA an hneh loh hnuah nimin khan DC Playground, Khawtetlang-ah Mamit DCA hmachhawn lehin Toss-ah chakin vuak hmasak an thlang a, Overs 18.4-ah Wicket hloh vekin run 112 an siam a, beisei angin Serchhip DCA Team hian run an la siam hlei thei lo a ni.

Hemi hnu hian Mamit DCA lamin vaw ve thungin Overs 20-ah Wicket 7 hlohin run 55 chiah an siam thei a, Serchhip DCA hian run 57 in hnehna an chang a, Serchhip DCA hian Vawiin chawhnu dar 1:00 hian DC Playground-ah bawk Kolasib DC an hmachhawn leh dawn a ni.

Nimin-a inkhel dangah Group A-ah Siaha DCA chuan Hnahthial DCA chu run 143 in an hneh a, Siaha DCA hian Champhai DCA an lo hneh tawh avangin Semi Final an lut a. Group A inkhel dang ah Champhai DCA chuan Lunglei DCA chu Wicket 9 in an hneh bawk a. Group B inkhel ah Saitual DCA chuan Kolasib DCA chu Wicket 9 in an hneh bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »