Sakei Chhiarpui nei mek

Ramchhunga Sakei awm zat chiang taka hriat a nih theihna turin National Tiger Conservation Authority (NTCA) in India ram chhunga National Park, Sanctuary leh Tiger Reserve-ah te Tiger Census kalpui tura a tih chu tun dinhmunah Phase-I (Sampling) zawhfel a ni tawh.

    Tiger Census hi Khawzawl Wildlife Division hnuaia awm Murlen National Park-ah pawh kalpui a ni. Khawzawl Wildlife Division hnuaia awm Murlen National Park-a Tiger Census hi tun thlatir khan zawhfel a ni a. Khawzawl DFO (Wildlife) Lalnunthanga sawi danin, Tiger Census Phase-I ah hian Murlen Sanctuary-ah Sakei a awm leh awm loh endikna neih a nih bakah ramsa dang, Sakei in a ei thin awm zat (Non-Tiger Census) pawh neih tel a ni a, Khawzawl DFO Staff te chu Murlen National Park-ah hian ke in an kal chhuak vek a, Murlen National Park-ah hian Sakei a awm hriat a ni lova, ramsa dang erawh engemawzat an la awm a ni. Khawzawl DFO chuan Tiger Census Phase-III (Camera Trapping) kalpui turin an inbuatsaih leh mek tih a sawi bawk.