Rualbanlo tan hauhlawk lovin Rel-ah a chuan theih

Zonuna Kawlni /

Indian Railways chuan pianphung-a rualban lo, Person with Disabililites (PwDs)-te chu Divyangjan Coach-ah UDID Card hmangin hauhlawk ngai lova an chuan theih thu a sawi. Ministry of Railways thuchhuah danin Person with Disabilities (PwDs) te chu Unique Disability ID (UDID) hmangin an tana a bika siam Divyangjan Coach-ah ticket hauh lawk ngai lovin an chuang thei tih hi tarlangin, UDID hi Department of Empowerment of Persons with Disabilities pekchhuah niin, ID hmang hian an tana Rel Coach siam bik SLRD leh LSLRD-ah te Ticket hauh lawk ngai lovin an chuang thei dawn a ni. A tarlan zel danin PwD Divyangjan Card, E-Ticket Photo Identity Card tia sawi bawk neite chu man tlawm zawkin Rel ah an chuan theih thu a sawi a. He card hi rualbanlote dinhmun a zirin pekchhuah thin niin, online hmangin Ministry of Railways leh sawrkar laipui website dangah te a zirchian theih a, a dil theih bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »