Presbyterian Kohhran Pastor Bial Inkhawmpui nei

Zonuna Kawlni /

Mizoram Presbyterian Kohhran chuan nizan atang khan Pastor Bial hrang hrangah Bial In-khawmpui an nei a, naktuk Pathianni zan thleng a awh ang.
 Presbyterian Pastor Bial Inkhawmpui neih mekah hian nizan khan Palai lawmna & Report Inkhawm neiin Vawiin hian Bial Inkhawmpui Rorel neih a ni dawn a, zan lamah Pathian Biak Inkhawm neiin naktuk chawhma, chawhnu leh zan lamah Inkhawm hi neih a ni bawk anga, Chawhnu inkhawmah Lalpa Zanriah Sakramen theh a ni anga, zan inkhawmah Bial Chairman kalchhuak turten Valedictory Sermon an sawi ang.

Serchhip-a Presbyterian Pastor Bial te pawhin Bial Inkhawmpui hi an nei mek hlawm a, Serchhip Pastor Bial Inkhawmpui chu Serchhip Kawnpui Kohhran Biak In-ah neiin Serchhip Vengchung Bial ten Sailiam Kohhran-ah leh New Serchhip Bial ten New Serchhip Norh Kohhran Biak In ah te Bial Inkhawmpui hi an nei a ni. Chhiah-tlang Pastor Bial te chuan Chhiahtlang Venghlun Kohhran Biak In leh Chhiahtlang Kawn Veng Pastor Bial te pawhin Sialhau Kohhran Biak In-ah Bial Inkhawmpui hi an nei dawn bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »