Poshan Pakhwada hman mek pualin Serchhip-ah naupang inelna buatsaih a ni

Women and Child Development Department hnuaia Serchhip ICDS Project buatsaihin nimin khan Serchhip-ah ‘8th Poshan Pakhwada' hman mek pualin 'Early Childhood Care and Education Festival and Indigenous Toys Day' hman niin naupangte ten intihsiakna hrang hrang neih a ni.
Serchhip Kawnpui VC Hall-a 'Early Childhood Care and Education Festival and Indigenous Toys Day' hman hi Serchhip RD Block-a Block Development Officer (BDO) Dr. Lalramdintluanga chuan hmanpuiin, naupang reng reng hi kum 6 an tlin hmain an damchhunga an Thluak than dan tur zaa 85 a thang hmanin, a nih dan tur ang a ni hman nia ngaih a nih thu a sawi a; amaherawh chu naupangte kan enkawl that loh avang leh kan kaihhruai tawk loh avangin an nih tur ang ni phak lo erawh tam tak an awm thin avangin kawng hrang hranga anmahni ngaihsakna kawnga hmalakna tur hi sawrkar in a duan thu a sawi a. Naupangte hi kan enkawl thata, kan kaihhruai that chuan an Thluak than dan tur ang zaa 85 mai ni lo, a aia nasa zawk pawha thiam thei tura kan kaihhruai theih thu sawiin, chumi atan chuan mi thiam zawk, ICDS-a thawkte'n an sawi hrang hrangte chu hmang tangkai turin he huna kalkhawm nute chu a chah bawk a. Tun tuma an hun hman pawh hi hlawk taka hman tum tura duhsakna hlan chungin he hun hi a hawng a ni.

'Early Childhood Care and Education Festival and Indigenous Toys Day' hman hi Serchhip ICDS Project-a Circle Officer (CO) Lalhriatkima chuan kaihruaiin Serchhip ICDS Project-a Child Development Project Officer (CDPO) Caryll Lalpari pawhin kumtin Poshan Abhiyan hnuaiah Programme pawi-mawh tak tak pahnih an hman thin thu sawiin, kumin hian April 9 atanga April 23 chhungin 'Poshan Pakhwada' hi hmangin September thla-ah Rashtriya Poshan Maah an hman leh dawn thu a sawi a. Tuna Poshan Pakhwada an hman meka hmalakna an kalpui tur hrang hrangte a sawi bawk.

Nimin-a he hun hman ah hian naupangte tan inelna hrang hrang neih a ni a, naupang kum khat hnuailam tan Baby Crawling, kum hnih hnuai lam naupang hrisel, kum khat atanga kum thum inkar tan leh kum thum atanga kum ruk inkar tan Quadrupedal race buat-saih niin, Govt. Serchhip College zirlaite'n TLM Toys Making Competition an buatsaih bawk a, heng inelna te hi lawm-man sem nghal a ni bawk.

Inelna hrang hranga lawmman dawngtute :

Baby Crawling (below 1yr) :

1st Lior Hmingthansanga s/o Zodinsangi, Chhim Veng AWC

2nd Anne Vanmalsawmi d/o Lalchungnunga, Chanmari AWC-II

3rd Vanlalruatsaka Fanai d/o F. Lalengkima, Leisang AWC 

Guadrupedal Race (Below 3yrs) :

1st Ayden Malsawmzuala s/o Lalchhuanawma, Serchhip Bazar AWC

2nd Joanne Remsiami Hauzel d/o Malsawmtluanga Hauzel, NS AWC-I

3rd. F. Malsawmsangzeli d/o F. Lalhriatchhunga, Chanmari AWC-I

Guadrupedal Race (3-6yrs) :

1st RK. Malsawmkima s/o RK, Lalruatsanga, Serchhip IOC AWC-I

2nd Vanlalrinchhana s/o C. Lalrinchhana, Chhim Veng AWC

3rd Lalpekhlua s/o Kennedy, Serchhip IOC AWC-I

Healthy Child :

1st Noel Vanlalhriatpuii d/o Lalchhandama, NS Sihphir AWC

2nd Laldaihpuii d/o PB. Lalhmunpuia, Leisang AWC

3rd Lalhriatsangi Fanai d/o F. Lalhriatchhunga, Chanmari AWC-I

TLM Toys Making Competition :

1st New Serchhip AWC-I

2nd New Serchhip AWC-II

3rd Serchhip Zozam AWC