Book of the Year thlang fel

Zonuna Kawlni /

Mizo Academy of Letters (MAL) chuan kum 2025 chhunga Mizo tawng-a lehkhabu chhuak zinga tha ber, ‘Book of the Year 2025’ atan Lalrammawia Ngente ziak ‘Kham leh Suar’ tih chu an thlang a, Book of the Year 2025 lawmman hi April 23 khian hlan a ni ang. Lalrammawia Ngente hian ‘Rintei Zunleng’ tih a thawnthu ziah hmangin kum 2019 khan Book of the Year chawimawina hi a lo dawng tawh bawk a ni. He lehkhabu ziaktu Lalramawia Ngente chuan ‘Kham leh suar’ tih a vuah chhan chu a changtunu in a hringnun kham leh suar a zawh chhuah dan chanchin a nih thu sawiin, “Nula pakhat chanchin niin a tawpah Pathian khawngaihna ropui tak changin, A chhandam thei a ni tih lantirna lehkhabu a ni,” a ti.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »