MUHCS chungchang ah High Court-ah inkhing

Zonuna Kawlni /

Mizoram-a RTI lama thuneitu sang, Mizoram Information Commission in Mizoram Universal Health Care Scheme (MUHCS) chungchanga Mizoram State Healthcare Society (MSHCS) leh Synod Hospital inremna RTI Act hmanga diltu hnena pechhuak tura a hriattirna chu MSHCS-in Gauhati High Court-ah a khing a, Mizoram chanchin ah State sawrkar hnuai ve ve Court-a an inkhin hmasak ber tum nia hriat a ni.

Mizoram Information Commission full bench chuan Advocate J. Malsawmzuala'n RTI hmanga Mizoram Health Care Society hnena MUHCS chungchanga Synod Hospital, Durtlang nena an inremna an ziah copy leh Detail Pricing a dil, an pek theih loh avanga zualko na chungchangah tun thla April ni 9 khan hearing neiin, a thil dil chu April ni 17 hmaa pe turin MSHCS-a SPIO chu thu a pe a. Mizoram HealthCare Society chuan he thupek hi ngaihtuah nawn leh turin April ni 20 khan Information Commission a ngen a, hetihlai hian Information Commission chuan RTI danah ngaihtuah nawn leh theihna a awm loh thuin a chhang a ni.

Hetiang a nih avang hian Mizoram Health Care Society chuan Gauhati High Court-ah motion pu lutin MIC-in MSHCS leh Synod Hospital inremna pe tura a hriattirna chu stay a dil a, April ni 22 khan Gauhati High Court Aizawl Bench-ah ngaihtuah niin, stay a dilna hi a pawm sak a, May ni 18 khian High Court chuan a ngaihtuah leh dawn a ni.

RTI hmanga thehluttu Advocate J. Malsawmzuala chuan MUHCS chungchanga sawrkar leh Synod Hospital inremna piah lamah Mizoram leh Mizoram pawn damdawi In te nena an inremna te pawh sawrkarin a thup tlat nia sawiin, MLA te pawhin Assembly House-ah an zawt chhuak thei lo niin a sawi a. Langtlang taka MUHCS kalpui chu mipui an a that ber thu a sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »