MLDB thutkhawm neih a ni

Mizo Language Development Board Governing Body chuan Mizoram State University-ah Mizo Linguistics Subject zirna nei tura hmalak an rel. Niminpiah khan MLDB Governing Body thutkhawm vawi 5-na chu SCERT Seminar Room-ah neih niin an Chairman R. Lallianzuala chuan a kaihruai a, Pachhunga University College Mizo Department-a HoD Dr. H. Laldinmawia hnen atangin Mizo tawng dinhmun leh than dan te leh 8th Schedule chungchanga hmalakna hrang hrangte ngaihthlak a ni a. MLDB Secretary Lalsangpuia'n MLDB Annual report 2025-2026 leh thutkhawm hmasaa thurel bawhzui dan report a pe a ni. He thutkhawm ah hian Mizo tawng hmasawnna tur hrang hrang rel niin, Tawng dang thumal, Mizo tawng anga kan hman thin seng luh chungchang te, Mizo tawng chungchanga Lehkhabu hlui tha tak tak vawn that chungchang te relin Mizoram State University-ah Mizo Linguistics Subject zirna neih a nih theih nana Higher & Technical Department-ah rawtna thehluh te an rel a ni.