LADC Chairman in thlen

Lai Autonomous District Council (LADC) Chairman C. Lalmuanthanga chuan nimin khan Mizoram Larsap, General (Dr) Vijay Kumar Singh chu Lok Bhavan-ah hmuin LADC mamawh hrang hrang a thlen a. LADC Session-ah Danin thuneihna a pek hnuaiah Dan hrang hrang pulutin pawm a ni thin tih sawiin, heng zingah hian thuneitu sang zawka thlen hnuah hman theiha peihfel ni mai lo awm thin chuan LADC rorelna pawh a zahawm tur angin a zahawm thin lo tih a sawi a, Dan an pawm tawhte hman theihloha a awm thin chu ram mipui ten an tawrh phah thin tih a sawi bawk. He hunah hianLADC Chairman hian Larsap hnenah hian Dan an lo pawm tawh hman theiha la awm lo te chu Larsap hnenah hian hma lak sak turin a ngen a, Governor chuan theihtawp chhuaha lo bawhzui a tum thu a lo hrilh bawk. Heng Dan thlen zingah hian Service Rules leh LADC (Marriage and Divorce) (First Amendment) Bill, 2026 te a tel a ni.