Mizoram Police ten kuhva tawlhruk an man thin avangin kuhva chingtu ten lawmthu an sawi

Zonuna Kawlni /

Mizoram Kuhva Chingtu Pawl (MKCP) chuan Mizoram Police ten Kuhva ro tawlhruk an man thin chu lawmawm an tih thu an sawi.

Inrinni-a thuchhuah an siamah Mizoram Kuhva Chingtu Pawl (MKCP) chuan ram leilung fa kut hnathawktute hmakhua ngaia dan lova Foreign Kuhva ro tawlhruk Mizoram Police in an man chu lawmawm an tih thu sawiin, ram leilung fa Kuhva chingtuten Mizoram chhung leh pawn lama an tharchhuah ngei Kuhva an hralhna daltu, dan lova Kuhva ro tawlhtute chu an dem thu leh sawrkar hmalakna an thlawp takzet thu an sawi a. Dan lova kuhva tawlhruk dapchhuahna leh manchhuah an nih theihna tur kawngah engtiklai pawhin MKCP chuan sawrkar hmalakna a thlawp tlat tih an sawi a, Mizo mipuite pawh ram leilung fa kuthnathawktute hmakhua ngaia lo hrethiam a, Kuhva tawlhruk dopui zel turin an ngen takzet tih an sawi a ni.

MKCP General Headquarters chuan MKCP District Headquarters, Sub-Headquarters leh Branch hrang hrangte dan lova rampawn Kuhva tawlhruk te mahni area theuh a lo veng tur leh Mizoram Police lo thawhpui theuh turin an hriattir nghal bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »