MBSE in kumin atan HSLC result tichhuakin zirlai Exam za zela 80.31 in an pass
MBSE in kumin-a HSLC Exam a buatsaih ah hian Exam tura inziaklut 18,612 awmin an zinga 355 te chuan exam lovin zirlai mipa 8448 leh hmeichhia 9809, an vaiin 18,257 ten Exam hi an hmachhawn a, an zingah hian mipa 6856 leh hmeichhia 7807, an vaiin 14,663 te pass in zirlai exam zawng zawng atanga chhutin za zela 80.31 ten an pass a, zirlai pass zinga 14517 te chu Regular Candidate niin midang 146 te chu Private Candidate an ni a, Compaertmental chance nein zirlai 117 awmin zirlai 3477 erawh an fail thung a ni.
Kumin a HSLC Exam result tihchhuah ah hian Result bu-ah zirlaite pass-na tarlan a nih tawh loh avangin Division hrang hranga pass te dinhmun kimchang hriat mai theih a ni tawh lo a, hei mai bakah hian Top 10-a lang te pawh Result bu-ah hian tarlan an ni tawh lo bawk a. Result bu atanga a lan danin zirna In hrang hrang zingah zirlaite pass vek-na School 146 awmin an zinga School 12 chu Serchhip District-a mi an ni a, zirlai exam zawng zawng fail vek-na School 13 awmin an zingah hian Serchhip District erawh an awm lo thung a ni.
HSLC Exam 2026-ah hian St Joseph Higher Secondary School, Aizawl-a zirlai Rachael Biakthapari D/o Salai Chan Uk, East Lungdar chuan Mark 500-ah Mark 480 hmu in a titha ber nia hriat a ni a, a titha dang erawh hriat mai theih a ni ta rih lo a ni.
District hrang hrang zingah Aizawl District an titha ber a, 89.60% an pass a, Serchhip District-in dawtin 89.51% an pass a, Kolasib District in dawt ve lehin 84.13% an pass a. Lawng-tlai District chu tichhe ber niin 61.49% an pass a, Saitual District in dawtin 62.21% leh Lunglei District 65.80% ten an dawt a ni.
Zirna In hrang hrang zingah Deficit School te titha berin 96.92% in an pass a, Private School atangin 89% pass in Lumpsum School-ah 77.47%, Aided School-ah 72.66%, Government School-ah 72.07% ten pass in Private Candidate 49.66% in an pass bawk a ni.
Comments
Post a Comment
I ngaihdan i sawi hian mipui ngaihdan i tarlang a ni!