MAL-in 'Book of the Year 2025' chawimawina hlan

Zonuna Kawlni /

Mizo Thu leh Hla Inpui (Mizo Academy of Letters) chuan nimin khan Aizawl-a I&PR Auditorium-ah an pawl din champha lawmin he hunah hian ‘Book of the Year 2025’ hlanna neih nghal a ni bawk.

Nimin-a MAL dinchampha an lawmna hi Art & Culture Department Director Carol VLMS. Dawngkimi chuan hmanpuiin ‘Book of the Year 2025’ atana thlan ‘Kham leh Suar’ thawnthu ziaktu Lalrammawia Ngente hnenah thuziak leh pawisafai Rs. 10,000/- a hlan a. He chawimawina dawngtu chu a lawmpui thu sawiin, MAL chu pawl zahawm tak a nih thu leh Art & Culture Department nen pawh an thawhhona leh inzawmna an neih that thu te, thu leh hla chu mihring nun min siam thatu leh nun kawng dik a min hruaitu a nih thu te a sawi bawk.

MAL in nimin-a Book of the Year 2025 a hlan chhan thuziakah chuan “He lehkhabu hian mihring nun chhungril khawharna leh hmun hlauh-awm tak tak a hai lang a, khawtlang nun inthlak meka sual ngaihzamnain nun a tihchhiat dan te, Pathian hmangaihna leh beiseina nungin sual thûk taka tlu tawh pawh a tuam dam theih zia te thiam takin a tarlang a ni. Chuvangin, Thu leh Hla Inpui (Mizo Academy of Letters) chuan kum 2025 chhunga Mizo tawnga chhuak lehkhabu zinga tha ber 'Book of the Year 2025' atan a thlang a ni’ tiin an tarlang a. Kum 1989 atanga MAL in a hlan tan Book of the Year chawimawina hi tum 37 zet hlan a ni tawh a, nikum chhung khan lehkhabu 223 a chhuah thu tarlan a ni bawk.

Nimin-a he hun hman hi an President Prof. RL. Thanmawia chuan kaihruaiin Report hrang hrangte ngaihthlak a ni a, Chawhnu lamah Vice President Prof. Rualkhuma Colney kaihhruaia hun hmang chhunzawmin Dr. Lalthlamuana Ralte buatsaih ‘Tunlai Thiamna in Mizo Thu leh Hlaa Hnuhma a neih Dan’ tih chu zirho a ni bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »