Kum 2024-2025 chhungin Zirtirtu quarters 62 sa

Mizoram sawrkar chhinchhiah danin, kum 2024-2025 inkara SASCI sum hmuh atangin Mizoram chhungah Zirtirtu Quarters 62 sak a ni.

School Education Department chhinchhiah danin Mizoram District hrang hrangah Zirtirtu Quarters hi sak a ni a, Zirtirtu quarters hi Aizawl District-ah Zohmun, Palsang, Chawilung, Lamchhip, Thingsat, Samlukhai, New Vervek leh Tlungvel-ah te sak a ni a, Champhai District-ah Vaphai, Hnahlan, Kelkang, Champhai Zote, Vangchhia leh Thekpui-ah te sak niin Hnahthial District-ah Lungpuitlang, Chawngtui South, Aithur leh Lungleng South-ah te sak a ni bawk. 

Special Assistance to State for Capital Investment (SASCI) sum hmang hian Khaw-zawl District-a Vankal, Tlangpui, Tlangmawi, leh Hmuncheng khuaah te pawh Zirtirtu Quarters hi sak niin Kolasib District-a North Chaltlang, Thingthelh, South Chhimluang, North Chawnpui leh Saiphai khua te bakah Lawngtlai District chhunga Darnamtlang, Saikhawthlir, Tuidangtlang leh Chamdurtlang khuaah te sak a ni bawk a, Lunglei District-a Tlabung, Runtung, Sairep, Mualthuam South, Chithar leh Serte khua ah te Zirtirtu Quarter hi sak a ni bawk. 

Heng bakah hian SASCI sum hmang hian Mamit District chhunga khaw pariat Bawngva, Thinghlun, West Bunghmun, Hriphaw, Zawlpui, Belkhai, West Serzawl leh Kanghmun khuaah te Zirtirtu quarters hi sak a ni bawk a, Saitual District-a Daido, Zawngin, North Lungpher, Tualbung, Thanglailung, Maite, Tawizo leh Lenchim khua bakah, Serchhip District-a Neihloh, Bawktlang, Sailulak, Sialsir leh Zote South khua ah te sak a ni a, Siaha District chhunga New Laty, Tipa leh Amobyu-ah te zirtirtu quarters hi sak a ni bawk a. Heng zirtirtu Quarters sakna atana sum hman zat hi Rs. 30,63,73,412/- ni a tarlan a ni bawk.