Kolasib-ah ILP sawiho a ni

Niminpiah khan Kolasib-ah Addl. DC B. Malsawmtluangi hovin District chhunga Inner Line Permit (ILP) dan bawhchhia te chungchang ngaihtuah a ni a, ILP nei lo leh ILP huntiam pel tawh te dapchhuah leh enfiah an nih theih nan Police Officer In-Charge (OC) ten kar khatah vawi khat tal Routine Inspection an neih ziah thin thu he hunah hian tarlan niin ILP dan khauh zawka kalpui dan tur leh dan bawhchhia te hremna pek dan tur te uluk taka sawiho a ni. ILP hmanga hnathawk leh midang rawn lut te lakah hian a latu (sponsors) ten mawhphurhna lian tak an neih thu leh an mawhphurhna te tha taka hlenchhuak tura beisei an nih thu tarlan a ni a. ILP endik leh dan kengkawh tur hian khawtlang hruaitu Village Council (VC) leh YMA-te nena thawhho zel dan turte rel a ni.