Kohhran hrang hrang ten Good Friday an hmang

Kristian te ni pawimawh ‘Good Friday’ chu nimin khan khawvel hmundang te rualin Serchhip a Kohhran hrang hrangte pawhin urhsun takin an hmang.
Misual te tlan tura Isua Krista Kros a khenbeh a nihna ni, Good Friday Programme hi Ningani zan atang khan Kohhran hrang hrang te chuan an hmang tan a, Ningani zan khan Inkhawm neiin ‘Zan Ven inkhawm’ neih niin Kohhran tam tak chuan ‘Ke sil rawngbawlna’ an neih bakah Lalpa Zanriah Sacrament te an kilho bawk.

Nimin Good Friday kha Kohhran te ni pawimawh niin chawhma, chawhnu leh zan-ah te Pathian biak Inkhawm neih a ni a, Isua Krista thihna leh mihring te tana a inpekna te thupui chi hrang hrang hmanga ngaihthlak a ni bawk.

Naktuk Pathianni hi thihna hneha Isua Krista Thawhlehna ni, Easter Sunday a ni leh a, he ni pawh hi Kohhran ni pawimawh a nih angin urhsun taka hman leh tur a ni ang.