‘Khuarel App’ tlangzarh a ni

Zonuna Kawlni /

Disaster Management & Rehabilitation Department changtu Minister Porf. Lalnilawma chuan nimin khan Disaster Incident & Reporting Management System ‘Khuarel App’ chu a tlangzarh.

Disaster Management & Rehabilitation Department leh Buannel Geo Solutions & Services te tangkawp buatsaih ‘Khuarel App’ tlangzarhna hunah hian DM&R Minister Prof. Lalnilawma chuan Khuarel chhiatna a lo thlen thulha mipui mimir, DM&R leh State & District Disaster Management Authority (SDMA& DDMA) ten rang taka chanchin an inhrilhhriat zung zung theihna leh chhiatna lam thil record data felfai taka dah that theihna tur ni nghal bawk ‘Khuarel App an duangchhuak chu lawmawm a tih thu sawiin, Mizoram tan thil chhinchhiah tlak tak a nih thu a sawi a, Mizoram chu India hmarchhak State te zinga hetiang App changkang tak nei hmasa ber kan nih thu tarlangin, Mizoram mipuite chu he Khuarel App hman awlsam leh tangkai tak hi download a, hmang tangkaitu nih tum theuh turin a chah bawk.

He hunah hian DM&R changtu Commissioner & Secretary, Udit Prakash Rai chuan nimin-a tlangzarh tak Khuarel App tangkai tur zia sawiin, mipui ten khuarel chhiatna thleng report chu DM&R Department leh DDMA te an hriattir zung zung theih bakah DM&R Department leh DDMA lam atang pawhin khuarel chhiatna chungchanga mipui te hriattur pawimawh te chu he Khuarel App kaltlang hian an puang darh zung zung thei tawh dawn tih a sawi a. Hei hian Khuarel chhiatna lama hmalakna a tihchak bakah Mizoram chhunga District hrang hrangte leh Department hrang hrangte inkarah thawhhona a tichakin; a ti awlsam hle dawn tih a sawi bawk.

Khuarel apps hi hi Play Store atanga download theih niin a tlangzarhna hunah hian DM&R Director Chuauhnuna chuan lawmthu sawiin hun a khar a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Lirthei chesual-ah boral

Zonuna Kawlni /
Image
Serchhip District chhung Bungtlang Chhim Veng-a cheng K Lalruatfela chu Zirtawpni zan (April 24, 206) khan Scooter-a chesualin a boral a, Inrinni khan vuiliam a ni. Thudawn danin kum 18-a upa K. Lalruatfela S/o K. Laltlanthanga hi Zirtawpni zan khan an leng tur Scooter-a a chhuak chuan a hmaa LPK Truck ding chu a su palh a, na taka hliam tuarin Serchhip damdawi In rawn panpui a ni a, amaherawh chu a hliam tuar lovin Zirtawpni zan dar 7:25 vel khan a boral zui ta a ni. A ruang hi Bungtlang-ah lak niin lumen a nih hnuah Inrinni khan vuiliam a ni.
Kimchang zawkin »

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »