Kangmei laka fimkhur chungchang inzirtirna nei

Tun thla ni 20 thlenga  ‘Fire Service Week’ hman tur pualin nimin khan Serchhip Fire Station-a thawktute chuan Govt. PCR H/S-ah Fire Awareness Campaign & Mock Drill leh Fire Safety Audit an nei a. He hunah hian Serchhip Fire Station-a 2nd Incharge, Laldinsanga Leading Firefighter chuan kangmei chi hrang hrang lo chhuah thin dan leh hemi laka invenna tur leh fimkhurna tur pawimawh hrang hrang zirlaite a zirtir a. Kangmei avanga chhiatna lo thlen thulha chhanchhuahna leh chhawmdawlna hna thawh dan hrang hrang te Firefighter R.Laltanliana leh D/G-II FX. Laltanpuia ten an zirtir bawk a ni.