Dialysis khawl hawng dawn

District Hospital Serchhip-a Dialysis khawl bun thar chu hman theih a nih hnuah Vawiin hian hawn a ni dawn a, naktuk atangin hman nghal tura ruahman a ni.
Mizoram sawrkar in District Hospital, Serchhip-a Dialysis khawl a rawn dah hi TRAUMA Building-ah bun a nih hnuah Technician rawn dah a ni tawh a, damdawi In-a thawk mek Nurse leh thawktu dang ten Training te an neih hnuah hman theih tura peihfel ni tawhin Vawiin chawhnu dar 2:30 hian Bialtu MLA leh Chief Minister Lalduhoma chuan a hawng dawn a ni.

District Hospital Serchhip-ah hian Dialysis khawl hi pahnih bun a ni a, mi pakhat tan darkar 4 vel mamawh niin nitin mi 4 tan tih theih tura ngaih a ni a, tunah hian Serchhip atang hian Dialysis tih ngai mi thahnem tak awmin Serchhip a Dialysis ti tura in report hi mi 11 an awm mek nia thudawn a ni a, naktuk atang hian Dialysis khawl hi hman tum niin Dialysis tih mamawh mi tam tak te harsatna sutkian theih beisei a ni.