Cricket-ah Serchhip District an tlawm nghal

Nimin khan Serchhip-ah ‘5th Inter-District Cricket Tournament’ chu khelh tan niin a thlengtu Serchhip District chu an match hmasa berah an tlawm nghal.
Cricket Association of Mizoram (CAM) buatsaih ‘5th Inter-District Cricket Tournament’ ah hian nimin khan Serchhip DCA hian an match hmasa berah Saitual DCA hmachhawnin Saitual DCA hian Overs 14.5-ah Wicket hloh vekin run 97 an siam a, hei hi Serchhip DCA hian um ve lehin Overs 15.4-ah Wicket hloh vekin run 55 chauh an siam thei a, Saitual DCA hi run 42 in an chak ta a ni. Serchhip DCA hian Vawiin chawhma dar 9:30-ah Mamit DCA chu DC Playground, Khawtetlang-ah an hmachhawn leh dawn a, an chak lo leh a nih chuan an tla tawh dawn a ni.

Nimin-a inkhel dangah Group A-ah Lung-lei DCA chuan Hnahthial DCA chu Wicket 8 in an hneh a, Siaha DCA pawhin Champhai DCA chu run 34 in an hneh bawk. Group B inkhel ah Kolasib DCA chuan Mamit DCA chu run 126 in an hneh bawk a ni.