Chhiarpui-ah inziahluh theih

India ram Chhiarpui 2027 thawhkhatna chu kalpui mek a ni a, mahni-a inziahluhna Self-Enumeration ah Mizoram atangin 6030 an in ziaklut tawh.

Sawkar Laipui Registrar General and Census Commissioner of India hmalakna in Chhiarpui thawh khatna hi kalpui mek a ni a, India rama a vawi khatna atana Houselisting atana Online Portal a mahni inziahluh theihna chu April ni 1 atang khan kalpui a ni a, tun thlengin Mizoram-ah 6030 an inziaklut tawh a ni. State sawrkar-a Chhiarpui buaipuitute chuan awlsam zawka he chhiarpui ah hian inziahluh a nih theihnana Online Portal ruahman chu mitinin hmang tangkai se an duh thu sawiin, hei hian Houselisting atan Enumerator ten mimal In-a hun an hman chu nasa takin a chhawk zangkhai dawn tih an sawi bawk. Self Enumeration hi se.census.gov.in-ah April ni 15 thleng a tih theih a ni dawn a, April 16 atanga May 15 thlengin Houselisting and Housing Census hi neih leh tur a ni ang.

Mizoram District hrang hrang atanga inziaklut khaikhinin, Aizawl District-ah in ziaklut tam ber tawh in mi 2180 an inziaklut tawh a, Lawngtlai District in dawt in Household 2159 an in ziaklut tawh bawk. Hetihlai hian Hnahthial District chu inziaklut tlem ber niin Household 24 chiah an la inziaklut a, Khawzawl District chu inziaklut tlem ber dawttu-na niin 39 an inziaklut tawh bawk a ni.