BJP in Nari Shakti Vandan Adhiniyam thlawpna lantir

Mizoram BJP chuan Nari Shakti Vandan Adhiniyam thlawpna lantir nan nimin khan Aizawl-ah Two Wheeler Rally an buatsaih a, Vanapa Hall kawt atanga Sikulpuikawn-ah kalin an Pisa-ah hun tawp an hmang a ni.

He Rally khar inkhawmah Mizoram BJP President Dr. K. Beichhua chuan Women's Reservation Bill pass tawh hman theih tura ruahman lawmna leh hriatpuina kawngzawh an party-a Hmeichhia ten an huaihawt chu lawmawm a tih thu sawiin, “PM Modi chuan Women Empowerment hi a ngai pawimawh hle a, hmeichhiate heti tak maia chawikân a duhna hian India rampum ah a tha zawnga nghawng a neih ngei kan ring tlat. Mizoram-ah pawh Vawiin ah chuan hmeichhia chhungkaw chawm kan tam tawh hle a, sa sât thlengin hmeichhia thahnem tak kan awm tawh a ni,” a ti.

MBJP President chuan Mizoram hma lam hun thui tak hril thei tur Women's Reservation Bill hman theih a nih dawn tak avangin Mizo hmeichhia ram leh hnam tana hmala duhte chuan tunhma aia nasa zawka inbuatsaih a ngai tih sawiin, MLA Seat tam zawk hmeichhiate tan a nih tawh dawn avangin Mizo hmeichhiate aiawha ding thei tur khawpa lo inbuatsaih a pawimawh thu leh hmeichhiate' kan tha an tih chaka, ram rorelna-a tangkai taka thawk thei tura inbuatsaih a ngaih thu a sawi a ni.