MNF in MCC bawhchhiat thu ah complaint thehlut

MNF Legal Board chuan nimin khan Aizawl District Election Officer hnenah Model Code of Conducts (MCC) bawhchhiatna chungchanga complaint an thehlut.

    He complaint hi MNF Legal Board Joint Secretary Lalbiakkima, Advocate hminga thehluh niin complaint an thehluhah hian MCC No. II leh VIII hnuaiah khuahkhirhna dan awm chu chiang takin palzut a nih thu an tarlang a. Aizawl East-II ZPM Block Media Cell thuchhuah ah April 4, 2026 khan Minister B. Lalchhanzova chuan Armed Veng South Cultural Club-te senso a tumsak thu tarlan a nih thu te; Aizawl East-II huamchhungah tho Chhinga Veng Junction chu April 11, 2026 khan siam a nih thu te; March 26, 2026 khan Ward No. XVIII-a ZPM Candidate K. Lalrodinga chuan Venghnuai Branch MUP te chu pawisa pe in Sorazo a sem thu te; Minister C. Lalsawivunga chuan April 11, 2026 khan Republic Vengthlang-ah transformer dah a tiam thu leh April 11, 2026 khan MP Richard Vanlalhmangaiha chuan Republic Vengthlang leh Upper Republic chu Mahindra Bolero pick-up a pek thu te an tarlang a. “He Complaint hian a tum chu Aizawl hmasawnna atana hmalakna daltu ni lovin Dan hnuaiah, Dan ang takin hmasawnna hi kal se kan duh a. Inthlan denchhen a dik lo taka hmalak hi do a ngai a ni tih rilru pu a Complaint hi thehluh a ni,” an ti bawk.