Biate-ah PWD Sub-Division thar hawn a ni
PWD IB-a PWD Biate Sub-Division hawnna ah hian PWD Minister Vanlalhlana chuan Biate-a PWD Sub-Division Office hawn a ni chu lawmawm a tih thu sawiin, SASCI hnuaiah Biate leh a chhehvel khuate tan kawngpui tha siam turin hmalak mek a nih thu a sawi a, cheng vbc. 15 sengin Artahkawn leh Biate inkar kawngpui siamthat a nih dawn thu leh Central Road Infrastructure Fund (CRIF) atanga dawn cheng vbc. 10 sengin Tuipui kawng pawh siam-that a nih tur thu a tarlang a. Thenzawl-ah PWD Division thar din a ni tawh a, tunah hian Biate-ah Sub-Division din leh a ni bawk a, heng hi khawtlang miten an chhawr tangkaia, neitu rilru pu chunga sawrkar nen tha taka an thawhho a beisei thu a sawi a ni.
PWD Biate Sub-Division hawnna hun hi PWD Engineer-in-Chief Er. H. Zoramliana chuan kaihruaiin Chief Engineer (Roads) Er. David Sapzova chuan report a pe a. Biate Sub-Division in a enkawl tur kawngte chu Chalrang atanga Biate panna te, Khawhai atanga Tlangpui panna te, Tlangpui atanga Lungva panna te, Chalrang atanga Vangtlang panna te, Khawhai atanga Lungtan panna te, Chalrang atanga Riangtlei kawng te, Biate atanga East Lungdar panna te, Biate atanga Tuipui panna leh Biate atanga Bungzung panna kawng te an ni.
He hunah hian Bialtu MLA leh Adviser to Chief Minister Lalmuanpuia Punte chuan Biate khua chu tunhmaa khaw lar nimahse sawrkar hmunpui a awm loh avangin a than lem loh thu a sawi a. PWD Sub-Division hawn a ni ta hi lawmawm a tih thu a sawi bawk.
Comments
Post a Comment
I ngaihdan i sawi hian mipui ngaihdan i tarlang a ni!