Badminton inelna ah New Serchhip BC pahnihna

Zonuna Kawlni /

MBA Inter-Club Championship 2026 khelh zawh takah New Serchhip Badminton Club chuan Medal paruk (6) lain a pumpui-ah pahnihna an ni.
 Mizoram Badminton Association (MBA) buat-saih ‘Yonex-Sunrise LBS SUZUKI MBA Inter Club Tournament-2026’ hi April 7 atanga 11, 2026 chhung khan Mizoram Badminton Centre, Zuangtui ah khelh niin Serchhip atanga tel New Serchhip Badminton Club hian Gold 2, Silver 2 leh Brone 2, a vaiin Medal 6 lain a pumpui-ah pahnihna an ni a, a pumpui-a Champion Mizoram Police Badminton Club chuan Gold pathum lain New Serchhip Badminton Club hian Gold lakah an pha ta lo a ni.

He inelna ah hian New Serchhip Badminton Club hian Women's Team leh Under 15 Girl's Team-ah Gold lain Final an luhna 45+ Men's Team-ah leh Under 15 Boy's Team-ah erawh an Champion zo ta lo a, Under-19 Boys Team leh Men's Team-ah erawh Final lut zo lovin Bronze an la a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »