Serchhip telna Champion

Zonuna Kawlni /

Serchhip Chanmari Veng tleirawl Lalrindiki Ralte telna Cricket Association of Mizoram Team (Under-23) chu ‘NECDC U23 Women's Inter State Tournament’ khelh zawh takah an Champion.

North East Cricket Development Council (NECDC)-a tel State paruk (6) te Cricket-a inelna, ‘NECDC U23 Women's Inter State Tournament 2026’ hi Sikkim-ah khelh niin Inrinni khan Sikkim Cricket Ground, Rangpo-ah Final khelh a ni a, Mizoram chuan an khingpui Nagaland chu run 6-a hnehin a tum khatna atan he inelna ah hian an Champion a. Mizoram Captain Lalhmangaihsangi chu Player of the Match-a thlan a nih bakah Best Batter leh Player of the Tournament a thlan a ni bawk.

Mizoram Team-ah hian Lalrindiki Ralte D/o R. Lalhmangaihzuala, Chanmari Veng, Serchhip chu telin ani hi ‘Women's Under-19 T-20 Trophy 2025–26 (Plate Group)’ a Champion, Mizoram Team-ah a lo tel tawh a, tunah hian Senior Team a khel tura koh lailawk zingah a tel bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »