ASF vanga Vawk thi te uluk taka phum turin chah * ASF vangin Vawk thi a awm belh leh

Zonuna Kawlni /

Serchhip-a AH&Vety Department chuan African Swine Fever (ASF) avanga Vawk thi te chu uluk taka phum tura chahin, thupek zawm lo te chu Dan anga hrem theih an nih thu an sawi.
 Serchhip-a District AH&Vety Officer, Dr. H. Vanlalrawna chuan tunlaiin Serchhip khawpui Veng thenkhat ah Vawk hri, African Swine Fever (AFS) avangin Vawk thi a awm thu leh Vawk thi te tihral leh phum bo dan tur hriattirna pawh Serchhip Bawrhsap-in March 20, 2026 khan tichhuakin, “Vawk thi reng reng uluk takin Disinfectant nen thuk taka phum bo tur a ni,” tih a lo tarlan tawh thu a sawi a. Hetih mek lai hian mi tu tih hriatloh ten an Vawk thi te duhdah tak leh vur tha mumal lovin an kalsan bakah thenkhat ten ram palaileng leh luikawr-ah an paih darh mai mai thin nia thu an dawn thu sawiin, “Hei hian DC thupek a kalh avangin Dan anga na taka hrem theih an ni,” a ti.

Serchhip DVO chuan Vawk thi ruang te uluk leh tha taka phum a nih theih nan AH & Vety Department ram, Mualvawm-a Slaughter House ram chu ruahman a nih thu pawh sawiin, “Slaughter House-a Vawk thi phum tur reng reng ten a area neitu Dinthar VC te hnenah in report zel tawh turin kan inhriattir e,” a ti bawk.

Nimin khan Serchhip-ah ASF avanga Vawk thi chu 22 zet chhinchhiah belh leh a ni a, Serchhip Kawnpui North-ah Vawk thi 11 chhin-chhiah belh niin Chanmari Veng leh P&E Veng-ah Vawk thi pakhat ve ve an chhinchhiah belh a awm bawk a. A hmaa Vawk thi chhinchhiah la awm lohna Serchhip Vengchung-ah Vawk thi 5 chhinchhiah belh awmin Field Veng-ah 4 an chhinchhiah belh leh bawk a. Heng te nen hian kumin chhungin Serchhip-ah ASF vanga Vawk thi 236 zet chhinchhiah a ni tawh a. Nimin lamah Vawk suat chhinchhiah belh awm lovin Vawk 109 suat a ni tawh bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Serchhip Fire Station-a thawk in chawimawina dawng

Zonuna Kawlni /
Image
Kumtin April 14 atanga 20 chhunga India ram a ‘Fire Service Week’ hman thin denchhenin kumin hian Mizoram-a Fire & Emergency Services-a thawk mi panga (5) te chu an hnathawh that avangin sawrkar laipui Ministry of Home Affairs-a Director General-Fire Service, Civil Defence & Home Guard chuan ‘Silver & Bronze Disc and Commendation Certificate’ dawng tura thlangin an zinga mi pahnih te chu Serchhip Fire Station-a thawk an ni a. Serchhip Fire Station atanga Brone Disc dawng tura thlan hi Firefighter R.Laltanliana leh Driver Grade-II FX Laltanpuia te an ni a. Anni bakah hian Brone Disc dawng tura thlan hi Mamit Fire Station atangin mi pahnih leh Silver Disc dawng tura thlan Lalremmawia, Divisional Fire Officer, F&ES te an tel bawk a ni. 
Kimchang zawkin »

Serchhip-a Damdawi In helna kawng siam tum a ni

Zonuna Kawlni /
Image
District Hospital Serchhip paltlangtu Vantlang kawng chungchang chu nimin khan Serchhip DC Meeting Hall-ah Bawrhsap, Paul L. Khuma hovin sawiho a ni a. He thutkhawm ah hian PWD Ser-chhip Division-a Executive Engineer-in kawng siam dan tur ruahmanna (plan) leh a lem (map) te a tarlang a. Hemi hnu hian sawihona neiin District Hospital Serchhip paltlangtu kawngpui thlakna tur kawngpui siam tum tawh chu Hospital tana harsatna siam lo leh ram la hek lutuk lo zawnga siam chu thil tul leh tha nia pawmtlan a ni a. He thutkhawm neih zawh hnu hian kawng siamna tur hmun hi tlawhin kawng lak tur chinte enfiah nghal a ni bawk.
Kimchang zawkin »