State Information Commissioner thar lakluh a ni

Zonuna Kawlni /

Mizoram State Information Commission (MSIC) hnuaia State Information Commissioner atan Dr. Lalzirmawia Chhangte, IAS (Rtd.) chu nimin khan lakluh a ni.

State Information Commissioner thar lakluhna Inkhawm hi Lok Bhavan Durbar Hall-ah neih niin Larsap General (Dr) Vijay Kumar Singh chuan rinawmna thu tiam tirin a lalut a, he hunah hian Chief Secretary Khilli Ram Meena chuan Larsap-in State Information Commissioner atana Dr. Lalzirmawia Chhangte IAS (Rtd.) a ruatna notification a chhiarchhuak hmasa a. Hemi hnu hian Larsap General (Dr) Vijay Kumar Singh chuan Dr. Lalzirmawia Chhangte, IAS (Rtd.) chu rinawmna thutiam chham tirin Mizo-ram State Information Commissioner atan a lalut a ni. He hunah hian Chief Minister Lalduhoma, Speaker Lalbiakzama, EF&CC Minister Lal-thansanga, Agriculture Minister PC. Vanlalruata, IPRP&S Minister B. Lalchhanzova leh sawrkar mi pawimawh dangte an tel a ni.

Mizoram State Information Commissioner thar Dr. Lalzirmawia Chhangte IAS (Rtd.) hi Hnahthial District-a Tarpho khaw chhuak niin, B.A. (Hons. in Education) (NEHU 1986), LL.B (NEHU, 1993), M.A. (Public Administration) (HPU Shimla 2001), B.C.S (Serampore College, 2007), D.Min (Serampore College, 2018) leh Ph.D (Public Administration) (MZU, 2023) degree nei a ni a. May ni 30, 1991 khan Mizoram Civil Service zawmin, Dec. ni 3, 2019 khan Indian Administrative Service (IAS)-ah hlankai a ni a, Serchhip District Bawrhsap dinhmun a chelh hnuah Mizoram Sawrkar hnuaia Department hrang hrangah Secretary dinhmun a chelh a. Commissioner-a a kaisan hnuah August ni 31, 2025 khan superannuation pension-in a chhuak a ni. A service chhung hian DoPT Sponsored Foreign Training pawimawh tak takah te a kal tawh bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »