Serchhip-a Skill Training zofelin a kharna neih a ni

Zonuna Kawlni /

School Education Department hnuaia Adult Education Wing leh Sub-Hqrs. YMA Serchhip te tangkawp in Skill Development Training an buatsaih chu niminpiah khan  zofelin a kharna neih a ni.
 School Education Department-a Adult Education Wing hian eizawnna tlak thiamna neih lama hmalakna atan nikum November thla atang khan Serchhip-a Sub-Hqrs. YMA te thawhpuiin Skill Training hi an buatsaih a, YMA te hian NGO dang MHIP leh MUP te thawhpuiin Trade hrang hrang panga (5)-ah Training hi an buatsaih a, mi 40 ten Training hi neiin tunkar Thawhtanni khan Exam neih niin niminpiah khan Training kharan Inkhawm hi Sub-Hqrs. YMA Hall, Serchhip-ah an buatsaih a, Training chhuak te hnenah hian Certificate an hlan nghal a ni.

He Training kharna hi Aizawl East DAEO Office-a CAEO, C. Lalnunmawiia chuan kai-hruaiin khuallian nia he hun hmanpuitu Serchhip SDEO, Melody L. Betlu chuan hetianga Training hlawhtling tak buatsaih a ni chu lawmawm a tih thu a sawi a. Eizawnna tlak thiamthil neih chu ram changkang apiangah an ngaih pawimawh thu leh NEP 2020 pawhin a ngaih pawimawh a nih thu a sawi a. Education chuan mihring tupawh hmantlak leh mahni ke-a ding thei tura chher-chhuah a tum thu sawiin, lehkha zirna ringawt ni lovin mahni ke-a ding thei tura chherchhuah chu a tum a nih thu a sawi a. He Skill Training a zirchhuak te chu an kal zelna turah duhsakna a hlan nghal bawk a ni.

Serchhip-a Skill Development Training hi nikum November 6 khan a hawnna neiin bul tan a ni a, Sub-Hqrs. YMA Serchhip-a Secretary Zonunsanga Kawlni in report-a a tarlan danin tun tumah hian Tailoring, Beauty Culture, Baking Technology, Plumbing leh Electric/House Wiring-ah te Training hi neih a ni a. Serchhip khawchhung bakah District chhung khaw then-khat atanga Training an awm bawk a ni.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »