Private Coaching Centre ten GST an pe mumal lo

Taxation Enforcement Wing chuan tunhnai khan Mizorama Private Coaching Centre endikin Goods & Services Tax (GST) an pe mumal lo tih an hmuchhuak.

Taxation Enforcement Wing-a thawktute chuan Mizo-ram-a Private Coaching Institute leh Private Tuition Centre hrang hrang in GST Registration an neih leh neih loh te, Coaching Course an pek te, Coaching Fee leh zirlai neih zat te an endik a, heng an endikna atang hian GST an pe mumal ngailo tih hmuhchhuah a ni.

Taxation Enforcement Wing endikna atang hian an sum lakluh atanga chhutin Mizoram-a Coaching Institute te chu GST pe pha deuh vek an ni a, hetih laiin GST a inziaklut pahnih chauh an awm thung a, GST Registration nei chhunte pawhin chhiah hi an pe mumal lo a ni. Taxation chuan Coaching Institution te chu chhiah pe tur leh an pek ngei theih nan dan anga hmalak an tum a, Private Coaching Centre te hian an sum lakluh dan a zirin Mizoram GST Act 2017 hnuaiah chhiah an chhun luh ve a ngai a ni.